زراعة أسنان بدقة ألمانية، في قلب القاهرة
إيه هي زراعة الأسنان؟
زراعة الأسنان هي الحل الأمثل والدائم لتعويض الأسنان المفقودة. في فاين دنتال كلينك، كل حالة زراعة بتبدأ بأشعة مقطعية (CBCT) لتقييم كثافة العظم وتحديد أماكن الأعصاب والجيوب الأنفية — لأن ما فيش أي زراعة بتتعمل عندنا من غير الخطوة دي.
بنستخدم تقنية الدليل الجراحي (Surgical Guide) اللي بيُصمَّم بالكمبيوتر ويدمج بيانات الأشعة مع التخطيط التعويضي. الدليل الجراحي بيضمن إن الزرعة تتحط بالزاوية والعمق الصح — وده مهم جدًا خصوصًا في الأسنان الأمامية اللي بتأثر على الابتسامة ومخارج الألفاظ.
للحالات اللي بتعاني من ضعف كثافة العظم، عندنا أنواع متخصصة من الـ Drills بتعزز كثافة العظم من غير الحاجة لإجراءات جراحية معقدة.
ليه زراعة الأسنان هي الخيار الأفضل؟
ثبات تام لأنها متحدة مع العظم مباشرة، مش بتعتمد على الأسنان المجاورة زي الكباري التقليدية. وبتحافظ على عظام الفك من التآكل لأن الزرعة بتنقل الضغط للعظم أثناء المضغ زي الجذر الطبيعي بالظبط.
مش محتاجة برد الأسنان المجاورة السليمة. وبتدوم لفترات طويلة جدًا ممكن توصل لمدى الحياة مع العناية الصحيحة. ونسبة نجاحها بتتراوح بين 95% و98% وفقًا للدراسات الطبية. والنتيجة الجمالية بتكون طبيعية تمامًا، يصعب تفرّق بين السن المزروع والأسنان الأصلية.
أسعار زراعة الأسنان في فاين دنتال كلينك
٢٠,٠٠٠ | أمريكي (USA)
١٣,٠٠٠ | أوروبي (EU)
١٠,٠٠٠ | كوري (Korean)
٦,٠٠٠ | مصري (Egyptian)
* الأسعار لا تشمل التركيبة (الطربوشة) اللي بتتركب فوق الزرعة.
* تاج الزيركونيوم: 4,000 جنيه.
وبنوفر خيارات تقسيط مريحة من خلال: فوري، فاليو، حالا، سهولة، وكونتاكت.
────────────────────────────────────────────────────────────
خطوات زراعة الأسنان في فاين دنتال كلينك
1. الفحص والتقييم
كل حالة بتبدأ بأشعة مقطعية CBCT لتقييم كثافة العظم وتحديد مواقع الأعصاب والجيوب الأنفية.
2. تركيب الزرعة بالدليل الجراحي
بيتم تخدير المنطقة موضعيًا وتثبيت البرغي التيتانيوم في العظم. بنستخدم الدليل الجراحي (Surgical Guide) المصمم بالكمبيوتر اللي بيدمج بيانات الأشعة مع التخطيط التعويضي. ده بيضمن وضع الزرعة بالزاوية والعمق والموضع الدقيق وبيحمي الأعصاب والجيوب الأنفية.
3. فترة الالتئام
بتتراوح بين تلاتة وستة أشهر حسب حالة العظم. خلال الفترة دي بيحصل الالتحام العظمي بين الزرعة والعظم. المريض ممكن يستخدم تركيبة مؤقتة للأكل والكلام بشكل طبيعي.
4. تركيب التاج النهائي
بعد التأكد من اكتمال الالتحام العظمي، بيتصمم التاج من الزيركونيوم أو البورسلين. بيتم عمل بروفات متعددة قبل التسليم النهائي عشان المريض يكون راضي تمامًا عن الشكل والوظيفة.
────────────────────────────────────────────────────────────
مين اللي يقدر يعمل زراعة أسنان؟
أي شخص بالغ فقد سن أو أكتر بشرط إن صحته العامة تسمح وعظام الفك في حالة مقبولة. ده بيشمل: اللي فقد سن أو أكتر بسبب التسوس أو إصابة، اللي عنده تركيبة متحركة بتسبب إزعاج أو عدم ثبات، واللي فقد أسنانه الأمامية وده بيأثر على ابتسامته.
حتى في حالات ضعف كثافة العظم، في فاين دنتال كلينك بنستخدم تقنيات متخصصة لتعزيز كثافة العظم من غير إجراءات جراحية معقدة. كمان بنوفر خيارات ترقيع العظم أو رفع الجيب الأنفي للحالات اللي محتاجة.
مرضى السكري كمان يقدروا يعملوا زراعة بشرط إن مستوى السكر يكون مُسيطر عليه. بنقيّم الحالة الصحية وممكن نتنسق مع طبيب الباطنة.
إزاي تحافظ على زراعة أسنانك لأطول فترة؟
تنظيف الأسنان بالفرشاة مرتين يوميًا مع استخدام خيط الأسنان أو فرشاة ما بين الأسنان لتنظيف المنطقة حوالين الزرعة. والإقلاع عن التدخين لأنه بيأثر سلبًا على صحة اللثة وبيبطئ الالتئام.
المتابعة الدورية مع الطبيب كل ستة أشهر للفحص والتنظيف ضرورية عشان نكشف بدري عن أي مشكلة. وتجنب العض على حاجات صلبة جدًا زي المكسرات القاسية أو فتح العبوات بالأسنان.
مع العناية الصحيحة والمتابعة الدورية، الزرعة ممكن تدوم مدى الحياة. التاج ممكن يحتاج استبدال بعد 10 لـ 15 سنة حسب نوع المادة ومدى العناية.
لماذا تختار فاين دنتال كلينك لزراعة أسنانك؟
- د. شريف خليل سليمان — أخصائي زراعة الأسنان والتركيبات التجميلية.
- خبرة تتجاوز 14 سنة في زراعة الأسنان والتركيبات.
- فحص وأشعة CBCT لتقييم الحالة ووضع خطة علاج مناسبة.
- استخدام الدليل الجراحي عند الحاجة .
- خيارات متعددة للزرعات تناسب احتياجات وميزانيات مختلفة.
- إمكانية التقسيط من خلال فوري، فاليو، حالا، سهولة، وكونتاكت.
